Archief veur januari, 2012
3 meert – Reur/Streektoalfestival in Emmen
| 30/11/-0001 |
Zotterdag 3 meert 2012 dut Hans mit aan t streektoalfestival in Emmen.
Hans het nommedags in de biebeltaik (Noorderplein 101) twij optredens
van 20 menuten elk.
Op twijde verdaipen in t leescafé van 13.00 tot 13.20
Op begoane grond van…………………. 15.20 tot 15.40
5 meert Muzikoal te gast in Winsum
| 05/03/2012 | ||
| 20:00 |
Op vief meert is der in Winsum in n lekoal achter gerefermeerde kerk n
besloten oavend veur leerlingen Grunneger toal en geschiedenis. Oavend
wordt laaid deur Fré Schreiber en begunt om aacht uur. Muzikoale gast dij
oavend is Hans van der Lijke.
Rondje Noord 5
Grenieten reus (Lofoten – Noorwegen)
Moi doe - grenieten reus Foto: Tinie Hoek
Men nuimt die doodgewoon mor “baarg”
Bie die bin ik n keudel
Bin ik n lutje beudel
Bie die bin ik nait zo veul meer
as t doemke van n dwaarg
Doe staais doar mit dien vurrels
in t kloare kolle fjord
Bist naarns mit verlegen
Gain zun – gain wind – gain regen
Het zel die ale doagen echt nait jeuken
wat of t wordt
Doe bist zo groot – gain mins ien wereld
moakt die wat te doun
Van boven tot beneden
staaist doe doar baarg te weden
En wel dien joaren tellen wil – dij telt heur
per miljoun.
Rondje Noord 4
En gain sekonde spiet
Ik dreumde dat ik dreumde
Van waarm en zuver zaand
Van zummer en van zoaleghaid
En van n zudelk laand
k Wer wakker aan de Nordkapp
t Is zunder flaauwekul
En k docht: t Is enkeld mor n grap
n Oavenrtuur – n spul
k Wer wakker aan de Nordkapp
Mien laifde aan mien zied
Mit krap twij groaden boven nul
En gain sekonde spiet
