Op dit stee verschient drij moal in de moand n nij gedicht mit ain of
meerdere foto ‘s van n  biezunder-of wondermooi stee woaraarns in
Scandinoavie.  Kiek  veur meer Rondje Noord gedichten en foto s op
Dagbouk en scroll omdeel noar vertelsters en ditten en datten.

 Grenieten reus     (Lofoten – Noorwegen)

Moi doe - grenieten reus                                                                                 Foto: Tinie Hoek
Men nuimt die doodgewoon mor “baarg”
Bie die bin ik n keudel
Bin ik n lutje beudel
Bie die bin ik nait zo veul meer
as t doemke van n dwaarg

Doe staais doar mit dien vurrels
in t  kloare kolle fjord
Bist naarns mit verlegen
Gain zun – gain wind – gain regen
Het zel die ale doagen echt nait jeuken
wat of t wordt

Doe bist zo groot – gain mins ien wereld
moakt die wat te doun
Van boven tot beneden
staaist doe doar baarg te weden
En wel dien joaren tellen wil – dij telt heur
per miljoun.