Archief veur juni, 2012
Goulthoater – Spiek – Zotterdag 29 september
| 29/09/2012 | ||
| 20:00 | tot | 22:30 |
Bie Jan Knollemoa in zien schier Goultheoatertje in de Annaheerd
in Spiek het al hail wat te beleven west en t dut mie deugd dat ik
doar al weer veur twijdemoal te gast bin. Ook Dolf Houwing zel n gedailte
van de oavend invullen met n aantal van zien kurege vertelsters.
t Spul begunt om 20.00 u.
As ie der bie wezen willen neem din kontakt op mit Knollemoa
(Annaheerd in Spiek) want veurstellens in Jan zien theoater binnen
besloten…….dat wil zeggen….Jan het zien vaste klanten.
Rondje Noord 12 / Noorwegen 2010-2011
Foto ‘s Tinie Hoek
Kin nait bestaait nait
Gain wotter te daip – gain meroakel te stoer
Of is t ook n sikkom onmeugelke toer
Gain zee gaait te hoog -en gain last is te zwoar
‘t Is : Kin nait bestaait nait – n Mins krigt t kloar
En baargen van t aalder gramiedegst greniet
Dij vroagen om tunnels en moaken hom blied
—————
(Noorwegen het op t heden meer as doezend
kilometer tunnel en de laangste tunnel is meer
as 25 kilometer.)
Twijmoal ien de moand foto ‘s en n gedichtje
over n biezunder- of wondermooi stee
woaraarns in Scandinoavie
Veur meer Rondjes Noord – goa noar Dagbouk
en scroll omdeel.
10 juni Mariakerk Oosterwijtwerd
| 10/06/2012 | ||
| 14:30 | tot | 16:30 |
Zundagmirreg 10 juni zingt Hans ien t mooi kerkje van Oosterwietwerd
stoef bie nDaam. t Begunt om 14.30 u. Mit n pauze der bie kin t aal mitnaander
mor zo twij uur duren veuralleer t weer doan is.
Hans dut maauwen omhoog en nimt zien aaldermooiste laidjes en vertelsters mit.
As ie der meer van waiten willen : m.w.meijer@hetnet
