foto’s: Tinie Hoek

Onbeteugeld

God sloug hom mit hoamer en drevel
n gat in Andromeda-nevel,
want Iesland zol eerst bie n aander planeet.

Hai het dou mit pazen en meten
n zetje van aiveghaid sleten,
want planeten binnen der doar bie de vleet.

Mor Iesland was naarns te vougen
en luit hom nait aaiden of plougen,
dij  wereld van lava en glìnhaide stoom.

Dou von God hom hoog in t noorden
n stee doar dat laand wel wol oarden,
mor din onbeteugeld en ook zunder toom.

………………………………………………

Omtrint twijmoal in de moand op dit stee 
n gedicht(je) en foto (‘s) van n biezunder- of
wondermooi stee, woaraarns in Scandinoavie
of hoog in t  noorden.

foto’s Tinie Hoek

                       Onder dak

In Laplaand waait de zummerwind
het stof oet ons gedachten
n Kloare wereld dij ons zint
mit mooie lichte nachten

n Oetgestrekte wonderstee
om lopend te ontdekken
Din kinnen wie ‘s oavends hail tevree
de stieve hakken strekken

Wie wandeln onder zun en moan
zunder biezunder klachten
de bainen onder t gat vandoan
Dat kinnen wie ja wel wachten

Of binnen ook doezend hutjes schaif
en schél en briek en brak
Wie kommen aaltied in n laif
luk hoesje onder dak

………………………………

Op dit stee mainst  om de vattien doagen
n gedichtje mit foto ‘s van n biezunder of
mooi stee  woaraarns in Scandinoavie

foto’s Tinie Hoek

Wat n onnut is mie dat

Van verkeer gain spier verstaand
Zai spereweren as n speer
Van verkeerde kaant van weg
Zo weer noar verkaante keer

Dikken – dunnen- lutjen – groten
Veurrang geven – nooit gebeurd!
Hemmen enkeld linker poten
Rechter poten? – nooit van heurd!

Keudeln troag over de wegen
Veur n sleep mit auto’s aan
Bist der sums glad mit verlegen
In zo’n laange karavaan

Baisten leggen ook gain aaier
Wat n onnut is mie dat!
Net zo as dat aander daaier
t Peerd van Ome Loeks in Stad

…………………………………………..

Omtrint ainmoal in vattien doagen op dit
stee n gedicht(je- en foto ‘s van n biezunder
of mooi stee woaraarns in Skandinoavie
Goa veur meer Rondjes Noord noar Dagbouk
en scroll omdeel

Een project van:               DE WERKGROEP STOLPERSTEINE PEKELA
In samenwerking met:       DE CULTURELE COMMISSIE PEKELA
————————————————————————————————————————————

De Gemeente Pekela kende voor 1940 een omvangrijke Joodse
gemeenschap van ruim 200 mensen. Slechts 10 mensen van deze
omvangrijke gemeenschap hebben de Tweede Wereldoorlog overleefd
zodat van deze eens zo belangrijke bevolkingsgroep in de Pekela’s
nauwelijks nog iets is over gebleven. Slechts de Joodse begraafplaats in
Oude Pekela herinnert nog aan de tijden van weleer.

De Werkgroep Stolpersteine Pekela is van mening dat dit
stuk historie niet verloren mag gaan en dat zij die eens deel uitmaakten
van haar gemeenschap een blijvende herinnering verdienen. Daarbij wordt
niet alleen aan de Joodse gemeenschap gedacht maar ook aan alle
vervolgde en omgebrachte slachtoffers van de nazi-terreur in de
periode 1940 – 1945

De werkgroep realiseert dit door deel te nemen aan een kunstproject
van de Duitse kunstenaar Gunter Demnig. Voor de woningen waar eens
Nazi slachtoffers hebben gewoond wordt in de straat of stoep een kleine
gedenksteen geplaatst met daar op de naam en enkele gegevens van deze
vroegere plaatsgenoot. Gunter Demnig noemt dit Stolpersteine.
Letterlijk vertaald betekent dit struikelstenen, waarbij dit natuurlijk niet
letterlijk opgevat moet worden. Wil men de tekst op een steen lezen dan moet
men enigszins voorover  gaan waarbij je dan in feite buigt en respect toont voor
hem of haar die op een ellendige manier om het leven is gekomen.

De Werkgroep Stolpersteine Pekela plaatst in totaal 146 gedenkstenen.
40 Stuks zijn op 19 juni 2012 reeds geplaatst ter herinnering aan Joodse
inwoners.
16 Stuks zullen op 14 april 2013 gelegd worden voor de vermoorde
Pekelder verzetsstrijders
90 Stuks zullen eind oktober 2013 gelegd worden voor Joodse inwoners.

Herdenkingsdag 14 april 2013 is de dag dat Pekela geheel bevrijd is
door de Belgen en de Polen, dus leek dat de werkgroep  de geschikte dag
voor het leggen van gedenkstenen voor de vermoorde verzetsstrijders.
Die plechtige plaatsing vindt dus  op 14 april a.s. plaats vanaf: 11.45 – 18.00
in het  bijzijn van genodigden en nabestaanden.
Vanaf 19.30 uur – 22.00 uur is er vervolgensr een herdenkingsavond in
Dorpshuis De Kiepe in Nieuwe Pekela. Zaal open vanaf 19.00 uur.

Diverse sprekers w.o. burgemeester Schollema, Harm van der Veen/ historicus
Muzikale bijdrage van Hans van der Lijke
Achtergrond muziek vanaf 19.00 uur door G&G ( Ger Immerzeel en Gerard Brunink)
Onthulling displays van de omgekomen verzetsstrijders

Naast de voor deze avond genodigden is er nog een aantal plaatsen vrij.
Voor deze vrije plaatsen kunt u reserveren via  De Kiepe 0597 645678.

Foto: Tinie Hoek

As de donder weerom

Mit de sleurhut aan loop
Op vekaansie – goudkoop
En mit gas op de plaank
Der op in en der maank
Noar ons luk parredies
Denemarken – zo wies
Even kop der weer veur
t Is ja nait noast de deur
Mit ons baaid aan de rit
Mor inainen dou: “Shit!”
t Is nait woar toch – Mais oui!
Wie binnen hier à Paris!
As de donder weerom
Dij verrekte Tomtom!

Zo ‘n beetje ainmoal in de vattien doagen op dit stee n foto(‘s)
en n gedicht(je) van n apaart of wondermooi stee woaraarns
in Skandinoavie
Goa veur meer rondjes Noord noar “Dagbouk”en scroll omdeel

• 
• 
• 
• 
• 

Laifde – Ambacht – Ainvoud – Kunst

Dou Hom ale doagen priezen
Dou Hom stoareg eer bewiezen
Spoar Hom asjeblieft joen proalen
Joen gepronk mit kattedroalen

Wol ik op De Heer vertraauwen
Zol ik laiver zowat baauwen
Kon ik gruien in zien gunst
Laifde – Ainvoud – Ambacht – Kunst

Stoan in Noorwegen nog n haandjevol van dizze wondermooie holten kerkjes
oet de vrouge middelaauwen.  Konstruktie – opbouw – dak - dakbedekken……
alles is van holt  en mit groot vakmanschap omteuverd tot n sprookjesachteg
gehail.
(Omtrint twijmoal in de moand op dit stee n nij Rondje Noord mit n gedicht(je) 
en foto’s over n mooi of apaart stee woaraarns in Skandinoavie)
Veur meer Rondjes Noord, goa noar Dagbouk en scroll omdeel. 

Aaltied wis en wies

Mien beterhelft heur goud gedrag
Verdaint n erepries
Zai wait goud road mit tegenslag
Blift aaltied wis en wies

Sums viens heur zunder zulfbeklag
En zunder antievries
Woaraarns op n midsummerdag
Mit blode aarms op t ies

Omtrint twij moal in de moand n gedicht(je)
en foto ( ‘s) van n biezunder- of wondermooi
stee woaraarns in Scandinoavie
Veur meer rondjes Noord - goa noar Dagbouk
en scroll omdeel

Foto’s: Tinie Hoek

Vertraauw

Twij maiven haren veul vertraauw
Zai kwammen nait in nood
Op t dak van n toiletgebaauw
Werren heur kukens groot

En schorstain was heur oetkiekpost
Aal om de beurt bie t  pad
Zo kwammen kukens aan de kost
Mit brood en sums petat

Omtrint twijmoal in de moand op dit stee foto ( ‘s) en n
gedichtje over n biezunder of wondermooi stee woaraarns
in Scandinoavie.
Goa veur meer Rondjes Noord noar Dagbouk en scroll omdeel. 

Ik wer twinteg – smui as botter,
Vereg as n jonge hoan.
Ik haar tied – zoveul as t wotter,
Van de grode oceoan.

Ik wer datteg – recht van leden,
Zunder pien en zunder zeer.
Zunder zurg en zwoaregheden,
Tied as t wotter van t Schildmeer.

Ik wer vatteg – staark en stroalend,
As n zunnepit ien blui.
Ik haar zoveul tied as t wotter,
Van n dikke dunderbui.

Ik wer viefteg – zunder kwoalen,
n Beetje wìnst sums – n beetje blues.
k Haar nog zoveul tied as t wotter,
In de viever achter t hoes.

Ik wer sesteg – stief as vroren,
Mor ien t veujoar rad ontdeud.
Ies en snij op tied verswonnen,
Tied as t wotter ien de geut.

Ik tel sikkom zeuventeg joaren,
Achternoa ging t aaibels gaauw.
‘Kon gain wotterdrup bewoaren,
Tied verswon as dook en daauw.

k Haar hier bienoa oversloagen,
Wat mie t aaldermainste heugt.
Aal dij schiere laange doagen,
Van mien jonkhaid – van mien jeugd.

Mor ik proost op t ankom joar,
Mit n glas gemaintepils.
Wens joe aalmoal tied as wotter,
En veur elkenain wat wils……proost!!!

foto: Martin Smit

—————————————————————————————————

Vattien dezember viert Klaas Spekken veur daarde moal  dizze haarfst t feit dat hai al weer
twaalf en n haalf joar aktief is in de Grunnegstoalege meziekwereld. Ik kin Klaas
as n bevlogen zanger van t betere Grunnegstoalege laid en ik bin der groots op dat ik dij oavend
nuigd bin as ain van zien muzikoale gasten. (Net op tied weer kloar om t mit te moaken!)
Ankom vrijdagoavend zel dat weden in t  Kielzog – Hoogezand/Sappemeer (14 dezember)
Aanvang 20.–u. Entree € 15.50  (Dij entreepries is inclusief n drankje in de pauze)
info@kielzog.nl
Tel 0598 373777

Twijde muzikoale gast dij oavend is Janine Vos. As ie al even genieten willen din goa noar
www.janinevos.nl
en luuster veuraal even noar de vertolken van “A natural woman.”
Baaide oavends worren wieder aanvuld mit koorzang en muzikoal begelaaid deur n kundeg
koppel:
Richard Zoer op bas
Harm Pals piano-accordeon
Peter Deiman drums
John Kruisman gitaar

…………………………………………………………………………………………………………………………

ROESKERBRUG  26 – 10 - 2012

Nog even wat over oafgelopen tied omreden ik t op mien menaaier slim drok haar
mit meziek en aanverwante zoaken. Eerstens was doar op 26 oktober  n optreden
in Roeskerbrug. Lu hemmen doar al sunt tiedstieden de goie gewoonte om
ainmoal in t joar n Grunneger oavend te regeln.
Soamen mit mien kompaan Dolf Houwing hemmen we der n in n zoaltje van de
Daltonschoule n oavendvullend gehail van moakt.
Ik kin Dolf aanbevelen. Kins hom der wel biehemmen Mooie kurde vertelsters doar
hai mit veur de droad komt en doar minsen zok sums en din de buus oetlagen kinnen.
Gurtdreuge Grunneger humor.
Over miezulf heb k gain klachten had en k haar der dij oavend n bult oardeghaid aan.

BEEM  9 -11 -2012

9 Novemmer was k te gast bie de soamenwaarkende bond van Oldern in t Trefcentrum in
Beem. n Schier en gezelleg inricht stee hemmen ze der doar van moakt.  Wie vuilen mit  t gat in
de botter omreden wie aanschoeven konnen bie n buffet mit drij soorten stamppot. Vanzulf dat
ik muzikoal ook aan de bak mos en din loop ik sums onverwacht wel ais tegen miezulf aan.
Dat wil zeggen: Ik geef miezulf noatied aaltied n ciever veur mien muzikoale prestoatsies en noar
mien aigen gevuil was t mit n moager zesje wel kloar. Mor as k nog even n ciefer geven mag
veur dij stamppotschuddels din kom ik oet op n 9

• 
• 
• 
• 
• 

In t Veenkelonioal Muzeum in Veendam was nommerdags wat biezunders loos rondom Gré van der Veen
Gré kreeg doar De Winkler- Prins pries oetlaangd en doar wazzen verschaaiden bekende gezichten
oet t Grunneger wereldje veur  noar Veendam oafraaisd.
Perfester Siemon Reker brocht ons weer ais bie de les mit n  kloar verhoal over t onderschaaid tuzzen
t Veenkelonioal Grunnegs en Klaai-Grunnegs en hou of datter deur de joaren hin bliekt dat t
Veenkelonioale Grunnegs stoareg aan ienvloud wint.
Der wazzen wieder vanzulf  hail wat woorden van hulde aan Gré moar dat zel gainaine vrumd
veurkommen dij dizze “Grand Old Lady” zo wied volgd het.
Dizze troubadour het in dat goud bezet zoaltje nog muzikoal van hom heuren loaten en noatied nog
weer n haandvol spaigelploatjes verkocht. t Kon wel oet.

• 
• 
• 
• 

SODOM - 16 – 11 - 2012

16 Novemmer bie “‘De Vrienden van RTV Noord”  (1200 leden) heb k n bult mooie reakties had
op mien biedroage aan dij oavend en omreden dat ik vot in t  begun aan de bak mos heb ik ontspannen
genieten kinnen van de prachtege ballads van  Agnes Woltjes.

What a voice – What a choice – What a Lady !!!

Stroatklinkers kwammen der achteraan en van de pure vreugde van t speulen en zingen van
wat dij knakkers weer omhaands haren,  begunden de lampen in dij Tramwaarkploats
doar in  Winschoot op t laangelest stoareg te slingern. De vrunnen van RTV Noord hemmen genoten
en  ik vanzulf ook!

• 
• 
• 
•